२०६६ जेष्ठ ०१ गते डिभिजन सहकारी कार्यालय अनामनगर काठमाण्डौंमा बिधिवत रुपम दर्ता भई २०६७/०२/०१ गतेबाट कारोबार शुरुवात गरेको सपनावती बचत तथा ऋण सहकारी संस्थाको संस्थापक अध्यक्ष श्री नरेश कुमार ढकाल रहनु भएको थियो । संस्थाले तत्कालिन अवश्थामा आप्नो कारोबार गर्नको लागि काठमाण्डौं महानगरपालिकाका वडा नं ५,६,७,८ र ३३ स्विकृती प्राप्त गरि कारोबार संचालन गरेको थियो । त्यसै गरि २०६६/०५/२४ गते डिभिजन सहकारी कार्यालय अनामनगर काठमाण्डौंमा विधिवत रुपमा दर्ता भई २०६६/०५/२५ गतेबाट कारोबार शुरुवात गरेको श्री अलौकिक बचत तथा ऋण सहकारी संस्था लि. को संस्थापक अध्यक्ष श्री शम्भु प्रसाद भन्डारी रहनु भएको थियो । संस्थाले आप्नो स्विकृत कार्यक्षेत्रको रुपमा बुढानिलकण्ठ नगरपालिका अन्तर्गतका कपन ,चुनिखेल ,चपली, तथा कामपा ०६, गोकर्णेश्वर नगरपालिका अन्तर्गतको जोरपाटी आदी स्विकृती प्राप्त गरि कारोबार संचालन गरेको थियो । हाल दुवै संस्थाको संयुक्त साधारण सभा २०७७/१०/०४ गतेको निर्णयद्वारा दुवै संस्थाहरु एकिकरणको प्रकृयामा गई २०७७/११/२१ गते भुमी ब्यवस्था तथा सहकारी मन्त्रालय वाग्मती प्रदेश हेटौडाबाट स्विकृत भई २०७८/०४/०१ बाट संयुक्त कारोबार संचालन गरिएको थियो । एकिकरण पछिको संस्थाको नाम अलौकिक सपनावती बचत तथा ऋण सहकारी संस्था लि. कायम गरि का.म.पा –०६ स्थित कार्यालयलाई केन्द्रीय कार्यालय तथा कपन –१२ आदर्शनगर स्थित कार्यालयलाई अलौकिक सेवा केन्द्रको रुपमा संचालन गरि आएको छ । संस्थाले हाल दुवै कार्यालयबाट ८/८ जना कर्मचारीहरुबाट सेवा प्रदान गरि आएको छ ।